Geskiedenis


Betekenis van Embleem

 

Die skip in die binneste ruim is afkomstig van die stadswapen van La Rochelle, Frankryk, waar ons gemeente sy naam vandaan kry. Die skip kan ook simbool vir die kerk van Christus wees, die kerk onderweg, wat nog nie sy bestemming bereik het nie.
Die kruis op die skip se hoofseil het die vorm van die Maltese kruis. Saam met die duif, simbool van die Heilige Gees, is dit die hoofmotiewe van die Hugenote kruis. Die kombinasie van kruis en duif dui verder op die innige verbondenheid van die werk van Christus en die werk van die Gees. Die Hugenote kruis is 'n egte Protestantse simbool, 'n teken van die lydende en strydende kerk van Jesus Christus.

 

Gemeentegeskiedenis

 

Afstigting

Op 11 Oktober 1974 stig La Rochelle gemeente af van Kruispad-Brackenfell gemeente. Vanuit die 388 lidmate wat betrokke was, word 17 ouderlinge en 19 diakens gekies om as kerkraad te dien. Hulle is op Sondag 13 Oktober 1974 bevestig in hulle ampte.

Eerste Leraar

Die eerste kerkraadsvergadering is gehou op 28 Oktober 1974 en 'n leraar word vir die gemeente beroep. Tien beroepe en 'n jaar later antwoord ds Coligny Nel van Parys positief op 11 Oktober 1975. Hy word bevestig deur ons konsulent ds BP de Wet met redevoering deur ds PGR de Villiers. Ds Nel lewer sy intreepreek op 18 januarie 1976 in die skoolsaal Bellville-Noord waar daar toe al vir meer as 'n jaar elke Sondag eredienste bygewoon is.

Kerkkompleks

Op Saterdag 20 Mei 1978 spit ds JJC Visser die eerste sooi en ongeveer 'n jaar daarna l� ons orreliste se pa, ds Tappies M�ller die hoeksteen. Toe die kerkkompleks op 5 Oktober 1979 gereed was vir ingebruikneming, was ongeveer die helfte van die koste reeds betaal.

Tweede Leraar

Die kerkraad besluit op 30 April 1979 om proponent Pierre Goosen as tweede leraar te beroep. Hy neem die beroep aan en word op Vrydag 1 Februarie 1980 in die gemeente georden en bevestig. Ds Goosen verlaat ons gemeente op 28 Februarie 1983 om hospitaalleraar te word by Tygerberg Hospitaal.

Ander leraars wat oor die jare by ons gemeente was:

Ds Christie Koch          ( 7 Maart 1982 tot 10 Junie 1984)

Ds Willie Oliver           ( 17 Oktober 1982 tot 22 November 1992)

Ds Andr� Fourie           ( Januarie 1984 tot 

Ds Gideon Basson         (Jan 1989 tot Oktober 1989)

 

Jeugbediening

Vanaf 1987 bedien voltydse jeugwerkers die jeug van ons gemeente. Prop Fred Louw (huidige jeugwerker) se voorgangers was:

Lydia Dempers

Marianne Maritz

Pieter Pieterse

Rudi Janse van Vuuren

 

Makrogemeente

Sedert 1989 besef die kerkraad dat La Rochelle die status van 'n makro-gemeente verdien en rig die bedieningstrukture dienooreenkomstig in. Vier leraarstreke begin om meer selfstandig te funksioneer en elke streek het elke tweede maand 'n streekkerkraadsvergadering. Die uitvoerende kerkraad bestaan tans uit tien afgevaardigdes uit elke streek.